L'enfant jòga emé leis estelas
Dins lo grand relarg de la nuech;
Lo cèu es una canestela
De flors, qu'envèrsa sus leis puechs.
L'enfant escota sot leis aubres
Leis rossinhòus e leis grilhets,
E s'estona davans leis maubres
Que son nus e son familhiers.
L'enfant se tròba, dins l'abonde
De l'amplituda e deis sesons.
L'enfant recomença lo monde,
'Mé leis miracles e la reson.
Sully-André Peyre
Cap comentari:
Publica un comentari a l'entrada
Nota: Només un membre d'aquest blog pot publicar entrades.